Habia hutsaren sindromea

 HABIA HUTSAREN SINDROMEA: 

Beste hainbat kontzeptuei edota gaiei buruz hitz egin dudan moduan, honi buruz hitz egitea ere garrantzitsua edo interesgarria iruditzen zait.

Seme-alabek etxetik behin betiko alde egiten dutenean gurasoek sentitzen dituzten sentimendu negatiboen multzoa da (tristura, hutsunea, bakardadea, malenkonia, antsietatea edo suminkortasuna). Bakardadearen sentimendua da guztietan garrantzitsuena, eta bere seme-alabetako bat edo batzuk ez daudenean ager daiteke. Sindrome hau, hainbat arrazoi edo faktorek eragin dezakete, hala nola bizitza osoa haurrak zaintzen ematea, bizitzan zehar haurrekin denbora asko pasatzera ohitzea eta joaten direnean akituta sentitzea.

Honek, bereziki emakumeei eragiten die, batez ere ama tradizionalei, haien identitatea eta autoestimua amatasunarekin lotuta daudelako eta zeukaten guztia galdu dutela sentitzen dutelako. Hala ere, aitari ere eragiten dio, baina modu ezberdinean. Gainera, esan liteke etapa nahiko gogorra dela, baina, azken finean, semeak etxetik alde egitea erabakitzen badu, adin nagusikoa eta independentea bada, errespetatu egin behar da bere erabakia.

Une hori iristen denean, zure bikotekidearekin gehiago elkartu ahal izateko unerik onena dela esan daiteke, haien aldetik babes handia jaso ahal izango baita. 

Esandakoa komentatu ondoren, bideo bat utziko dut, habia hutsaren sindromea zer den azaltzen duenak. Bideo honetan gizarte-langile bat agertuko da habia hutsaren sindromeari buruz hitz egiten.